Fréttir frá BBL

ORF Líftækni í samstarf við indverskt fyrirtæki í lyfjaþróun

Thu, 02 Sep 2010 10:00:00 GMT

Í vikunni undirritaði Björn Örvar, framkvæmdastjóri ORF líftækni viljayfirlýsingu við Dilip Mohite, forstjóra indverska fyrirtækisins DM Corporation, um samstarf við lyfjaþróun. Fyrirtækin stefna að samstarfi við þróun, framleiðslu og markaðssetningu á próteinlyfjum fyrir alþjóðlegan markað.

Sláturleyfishafar breyta verðskrám

Wed, 01 Sep 2010 11:00:00 GMT

Fimm af sjö sláturleyfishöfum hafa gert breytingar á verðskrám sínum á síðustu dögum. Í flestum tilfellum hafa breytingarnar snúist um að dregið er úr verðmun milli vikna en sauðfjárbændur hafa lýst verulegri óánægju með hversu mikill munur er á verðum eftir tímabilum. Meðal annars ályktaði stjórn Landssamtaka sauðfjárbænda (LS) 24. ágúst síðastliðinn þar sem verðstefnu sláturleyfishafa var mótmælt.

Sauðfjárbændur funda um afurðaverð

Tue, 31 Aug 2010 13:00:00 GMT

Stjórn félags sauðfjárbænda í Dalasýslu hefur sent út fundarboð til sauðfjárbænda þar sem fjallað verður um nýbirta verðlista sláturleyfishafa. Fundurinn verður haldinn í Dalabúð í Búðardal, föstudaginn 3. sept. og hefst hann kl. 20:00.

Gosfé kom vel undan sumri í Meðallandi - Smalamennska tókst prýðisvel

Fri, 27 Aug 2010 15:00:00 GMT

Það voru ánægðir gangnamenn sem komu til réttar á Leiðvöllum í Meðallandi um miðjan dag í gær. Á undan sér höfðu þeir safn um 2.500 fjár sem hafð gengið í girðingu Landgræðslunnar í sumar. Var þar um að ræða fé sem flutt var af áhrifasvæði gossins í Eyjafjallajökli í vor.

ASÍ leggst gegn mjólkurfrumvarpinu

Fri, 27 Aug 2010 11:00:00 GMT

Miðstjórn ASÍ samþykkti í gær umsögn um frumvarp til breytinga á búvörulögum, mjólkurmálið svokallaða. ASÍ leggst í umsögninni gegn því að frumvarpið verði að lögum.