Fréttir frá BBL

Formaður Bændasamtakanna harðorður í garð verkefnisstjórnar Samráðsvettvangs um aukna hagsæld

Fri, 17 May 2013 14:00:00 GMT

Sindri Sigurgeirsson, formaður Bændasamtakanna, gagnrýndi harðlega tillögur verkefnisstjórnar Samráðsvettvangs um aukna hagsæld varðandi landbúnað á umræðufundi Samtaka mjólkur- og kjötvinnslufyrirtækja síðasta miðvikudag. Við vinnu verkefnisstjórnarinnar hefðu engir fulltrúar landbúnaðarins verið kallaðir á borðinu og það væri væri með ólíkindum að lagðar væru til róttækar breytingar á landbúnaðarkerfinu í því ljósi.

Fuglakjötið er komið í Kjötbókina

Thu, 16 May 2013 17:00:00 GMT

Síðasti kaflinn í rafrænu Kjötbókinni var gefinn út á dögunum, en hann fjallar um fuglakjöt. Á aðalfundi Félags kjúklingabænda kynnti Óli Þór Hilmarsson, kjötiðnaðarmeistari og sérfræðingur hjá Matís, efni bókarinnar. Áður var búið að opna kafla um lambakjöt, nautakjöt, grísakjöt og hrossakjöt.

Héraðssýningar kynbótahrossa í Hornafirði og á Fljótsdalshéraði

Wed, 15 May 2013 11:00:00 GMT

Kynbótasýningar verða í Hornafirði og á Fljótsdalshéraði dagana 27. til 31. maí næstkomandi ef næg þátttaka verður. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“.

Skeifusmiður þakkar minkafitunni því að þurfa ekki að hætta starfsemi

Tue, 14 May 2013 09:00:00 GMT

Bændablaðið greindi fyrir skemmstu frá áhugaverðri aukabúgrein minkabúsins á Syðra-Skörðugili í Skagafirði. Þar stefna bændur að þróun á vörum úr minkafitu, en mörg tonn af henni falla til og yrðu annars urðuð. Áralöng handavinna við verkun skinnanna sannfærði bændurna um að fitan hefði græðandi áhrif á húðina.

MS markaðssetur mjólk fyrir fólk með mjólkuróþol

Mon, 13 May 2013 15:00:00 GMT

Mjólkursamsalan hyggst setja á markað laktósafría léttmjólk í næsta mánuði. Mjólkin er henta þörfum þeirra sem eru með mjólkuróþol. Í laktósafrírri mjólk er búið að fjarlægja laktósann en laktósi er mjólkursykur sem er í mjólkinni frá náttúrunnar hendi. Til þessa hefur MS kynnt á markaði fjölmargar vörunýjungar þar sem búið var að draga úr laktósa en ekki fjarlægja hann alveg s.s. sykurskerta Kókómjólk, Hleðslu og Skyr.is drykki. Nú er hins vegar í fyrsta skipti í boði vara án laktósa.